Pet Palai abia vourgamoa’, en 2016 s ist pfrok kemmen en de Autonome Provinz va Trea’t an kloa’n paitrog ver za drucken de doi kloa’ jorzaitung, en òlla de lait as en tol lem ober en de sèlln as nea’mer do lem aa. De numern van òlla de jarder sai’ tschickt kemmen en de lait as en auslònt aa sai’, ver za probiarn za verglaimern de sèlln as nea’mer do lem ont as en hòlten en de derver en de beiln as de sai’ augòngen. Ber denken as s ist an schea’n vurm ver za lòng bissn en de lait as lem en de gamoa’n dernem aa bos as en lònt glaim passiart. An dokument as de gònze gamoa’schòft gearn lest, as en de jarder as kemmen aa enviretschrim kemmen bart ont as der do glaim aronemmen meicht, òlla de numern. A guats lesn.