Zaitung

Schau aus òlla de “Bersntoler zaitung“. En 2016, de Gamoa’ va Palai en Bersntol hòt kriak an paitrog va de Region Trentin – Sudtirol ver za drucken de jorzaitung as austoalt kimmp en òlla de lait van tol, de hoast prope “Bersntoler zaitung”. De ist tschickt kemmen aa en de lait van tol as en auslònt lem, pet en rif za hòlten de nètzn pet de sai’na burtzn. De doi naikait kimmp enviretrong pet de òndern gamoa’n van tol, Vlarotz ont Garait, ont tuat nochrichtn gem va òlls sèll as passiart ist durch en jor, van òrbetn en tol ont van naikaitn as organisiart kemmen sai’.